Bu gün Salyan rayonunda
Muğan-Babazanlı abidələrinin 2800 illiyi münasibətilə yeniyetmə və gənclər
arasında yürüşə start verilib. Yürüşün keçirilməsində əsas məqsəd Salyanın ən qədim
zamanlarda yaşayış məskəni olduğunu diqqətə çatdırmaqdır. 200 nəfərdən çox gəncin
qatıldığı yürüş rayonun avtovağzal ərazisindən başlanılıb. Əllərində üçrəngli
bayraqları dalğalandıran yürüş iştirakçıları polisin nəzarəti altında ulu öndərin
adını daşıyan Heydər parkına doğru irəliləyib. Bir saata yaxın davam edən yürüş
ulu öndər Hüydər Əliyevin abidəsinin ziyarəti ilə başa çatıb. Qeyd edək ki,
Salyanın Babazanən dağında arxeoloji qazıntılar zamanı eramızdan əvvəl VIII-VII
əsrlərə aid 20-dən çox küp qəbirlər və
digər məişət əşyaları tapılmaqla mütəxəssislərin fikrincə, Muğan mədəniyyətinin
mərkəzinin məhz Salyan bölgəsi olduğunu söyləməyə əsas verir. Muğan-Babazanlı
küp qəbirlər nekropolunun 2800 illik yubileyi ilə bağlı ölkə başçısı İlham Əliyev
2013-cü il dekabrın 29-da sərəncam imzalayıb. Sərəncmauyğun olaraq bu il
oktyabrın 24-də təntənəli yubiley bayramı keçiriləcək.