Sabirabad
rayonunda piyadanın ölümü ilə nəticələnən yol qəzası baş verib. SOSTV XƏBƏR VERİR Kİ, Qəza hadisəsi ötən gün Hacıqabul-Bəhrəmtəpə
magistral yolunun 35-ci kilometrliyində Sabirabadın Qalağayın kəndi ərazisində qeydə
alınıb. Belə ki, "Mersedes"in sürücüsü idarə etdiyi avtomobillə hərəkətdə olarkən magistral yolu
keçmək istəyən piyadanı vurub. Müxtəlif
dərəcəli ağır bədən xəsarətləri alan piyada-rayonun Qalağayın kənd sakini, 77
yaşlı Atamoğlan Əmişov hadisə yerindəcə keçinib.
Faktla bağlı
Baş Dövlət Yol Polisi İdarəsinin istintaq və
təhqiqat şöbəsində cinayət işi açılıb, araşdırma aparılır.