ASTARALI FERMERLƏRİN MƏHSULU AĞACDACA ÇÜRÜYÜR. SOS!!!

 Cənub bölgəsinin ən böyük sitrusçuluq rayonu olan Astarada artıq 2-ci həftədir ki,feyxoa yığımı gedir.məhsulun ilk alış qiymətləri astaralı fermerlərin üzünü güldürsə də,hazırkı durum onları narazı salır.Narazılıqsa yenə də alıcı qıtlığındandır. Havaların olduqca quraq keçməsinə baxmayaraq bu il də Astaranın feyxoa bağlarında məhsul boldur. Artıq yığım zamanı rayonun feyxoa bağlarından 1200 tondan çox məhsul tədarük olunub.

Fermerin sözlərinə görə, feyxoa ağaclarına düzgün aqrotexniki qulluq göstərilərsə, bir ağacdan 150 kq-a yaxın meyvə götürmək mümkündür.əldə olunan məhsulun əksər hissəsi isə xarici bazarlara ixrac olunur.lakin məhsulun müəyyən müddətə saxlanmısı üçün rayonda xüsusi saxlama kameraları çatşmır.

Məhsul satışında yaranmış gərginliyi,qiymətlərin birdən birə aşağı düşməsiniAstara rayon icra hakimiyyətində  kütləvi məhsul yığımı ilə əlaqələndirdilər.aqrar şöbədən bildirildi ki,hər il yığım mövsümünün əvvəlində və sonunda qiymətlər yüksək olsa da kütləvi yığm zamanı məhsul çox olduğuna görə qiymətlər aşağı düşür.yəni qiymətlər tələb və təklif arasında dəyişir.Qeyd edək ki,Astarada 1800h sitrus sahəsinin 750 hektarını feyxoa sahələri təşkil edir.